Mes pritshmërive dhe investimeve, Flamurtari është një prej atyre ekipeve që pritej të shihej me shumë vëmendje në këtë edicion të ri të Superiores. Por vlonjatët janë ende në kërkim të fitores së parë në këtë sezon pasi humbën ndaj Elbasanit dhe këtë herë barazuan ndaj Bylis, 3-3.
Një barazim me shije të hidhur pasi Flamurtari ishte dy herë në avantazh. Bourard në minutën e 5 dhe Maksuti në të 22 dërguan vlonjatët në avantazhin 2-0, por vetëm dy minuta më vonë, ëalisson ngushtoi diferencat te Bylis. Në minutën e 46, Mouctar do të barazonte rezultatin, 2-2. Maksuti nuk e kishte thënë ende fjalën e fundit dhe në të 65, shënoi golin e dytë personal dhe të 3 për Flamurtarin, 3-2. Ndërkohë ëalisson e ktheu në një duel personal me Maksutin duke shënuar edhe ai golin e dytë personal për ta mbyllur ndeshjen në 3-3. /Sport Ekspres/
