Emri i Igli Tares vazhdon të mbetet i lidhur ngushtë me Milanin. Ish-sulmuesi shqiptar është një nga kadidatët kryesorë për të marrë rolin e drejtorit sportiv të klubit kuqezi. Karriera e tij e suksesshme prej shumë vitesh në të njëjtën pozitë te Lacio e ka bërë 51-vjeçarin një alternativë serioze për një klub të madh si Milani.
Mbrëmjen e së mërkurës Tare ishte i pranishëm në tribunën e “Olimpikos”, atje ku u luajt finalja e Kupës së Italisë mes Milanit dhe Bolonjës. Prania e tij në stadium është parë si një sinjal i qenurit gjithnjë e më pranë emërimit si drejtor sportiv i klubit të Milanit./Sport Ekspres/