A do të jetë Skënderbeu i ri i Shqipërisë? Në kampionat po, Egnatia po e përsërit diktatin e Skënderbeut, por në Europë nuk po i afrohet dot rrugës së bërë nga ana e korçarëve.
Sot, në orën 14:00 është hedhur shorti për raundin e parë kualifikues të Champions League. Egnatia ka mësuar kundërshtarin që do të përballet dhe bëhet fjalë për islandezët e Breidablik. Një ekip i cili kushton 4 milionë euro sipas Transfermarkt, ndërsa Egnatia kushton 5.5 milionë euro, pra më shumë se kundërshtari i saj. Një short i lehtë ky për kampionët e Shqipërisë duke ditur edhe kundërshtarët e tjerë të mundshëm, por këtë duhet ta dëshmojë në fushë, ndryshe nga vitet e tjera. /Sport Ekspres/