Partizani ka shkarkuar nga detyra trajnerin serb Mladen Milinkovic. Derbi i Superiores, Tirana-Partizani ha gjithmonë koka trajnerësh, por me këtë nisje të tmerrshme të të kuqëve në këtë sezon të Superiores, derbi ishte problemi më i vogël. Vetëm katër pikë në gjashtë javë të kampionatit ka bërë që Partizani të largojë Milinkovic dhe madje në njoftimin zyrtar, ndryshe nga më parë ku i urohej gjithmonë trajnerit suksesi në të ardhmen, të mos e kishte as një urim të tillë.
“Klubi i Futbollit Partizani njofton mbylljen e bashkëpunimit me trajnerin Mladen Milinkovi?. Pas analizës së bërë mbi paraqitjet dhe rezultatet e skuadrës në këto 6 javë të kampionatit, klubi ka vendosur të shkarkojë nga detyra trajnerin Milinkoviç dhe dy ndihmësit e tij”, shkruhet në reagimin e Partizanit. /Sport Ekspres/