Armando Broja ishte një temë diskutimi në studion e “Mega Sport” në “A2 CNN”. Ditmar Bicaj ka thënë se problemi i sulmuesit shqiptar është po vetë ai. Sipas trajnerit shqiptar, Broja nuk e njëh potencialin që mbart me vete.
“Problemi i Brojës është vetë Broja. Nuk e njeh veten e vetë se çfarë lloj potenciali ka. Domethënë potenciali që ka është jashtëzakonisht shumë i madh, por ai vetë nuk e njeh. Ai sa herë vjen më shumë është ‘offline’ se sa ‘online’. Ai mund të vijë fizikisht, por në kokën e tij është ‘offline’.
Ka 3 vite që nuk po gjen stabilitet në klubet e tij. Kur vjen në Kombëtare është ‘offline’ totalisht. Dhe sot vërtetë ngrihet një pikëpyetje shumë e madhe: ‘Sa duhet ta presim ne këtë’?”, është shprehur Ditmar Bicaj./Sport Ekspres/