Një situatë alarmante është ajo që po ndodh në Tiranë, ku protestuesit dhe policia janë në një përplasje të vazhdueshme. Rei Manaj dhe Myrto Uzuni kanë qenë dy lojtarët e parë të Kombëtares, të cilët kanë bërë një reagim për situatën. Dy lojtarët e Shqipërisë kanë shprehur gjithë respektin për Policinë e Shtetit, por nga ana tjetër kanë njoftuar mbështetjen e tyre për studentët duke bërë thirrje që të mos ketë dhunë ndaj tyre.
“Pas cdo studenti qëndron njëëndërr dhe sakrifica e një familje. Ata meritojnë mbështetje për të ecur përpara. Unë kam përjetuar krenarinë që të jep përfaqësimi i Shqipërisë. Besoj se edhe uniforma e policisë duhet të mbahet me atë ndjenjë përgjegjësie për njerëzit. Kur veshim uniformën, mbajmë mbi supe edhe përgjegjësinë. Respekt për cdo polic që shërben me ndërshmëri, por dhunaështë e papranueshme”, shkruhet mes të tjerash nga Uzuni.
Nga ana tjetër, edhe Manaj shkruan një reagim të gjatë, por ne po e përmbledhim në pak fjalë. “Dua të shpreh shqetësimin tim për dhunën ndaj studentëve dhe protestuesve. Studentët janë fëmijët tanë, janë e ardhmja jonë, duhet të dëgjohën, të respektohen dhe të trajtohen em dinjitet. Zëri i qytetarëve duhet të dëgjohet, jo të mbytet me dhunë. Nuk jam mbështetës i një partie politike, po flas si një shqiptar”. /Sport Ekspres/