Një pyetje që dukej pothuajse e paimagjinueshme deri pak javë më parë, tani është e hapur dhe përgjigjja mund të varet nga biseda që presidenti i Federatës, Pedro Proenca, po përpiqet të organizojë midis kapitenit dhe trajnerit Jorge Jesus.
Sipas gazetës saudite Arriyadiyah, një burim pranë trajnerit portugez pohon se Jesus dëshiron që Ronaldo të kthehet në ekip, por se ai nuk planifikon të ndryshojë rregullat që ka vendosur.
Sipas këtyre deklaratave, rikthimi do të ishte i mundur vetëm nëse të dyja palët gjejnë një zgjidhje të pranueshme si për trajnerin ashtu edhe për kapitenin.
I njëjti burim hodhi poshtë spekulimet se mosmarrëveshja mund t’i kushtonte Jesus-it humbjen e punës. Edhe pse çështja ka tërhequr shumë vëmendje, pretendimet për largimin e tij të mundshëm nga stoli i Portugalisë thuhet se nuk pasqyrojnë situatën aktuale.
Kjo është arsyeja pse Proenca po përpiqet të qetësojë tensionet para mbledhjes së radhës të ekipit kombëtar. Plani i tij është që Ronaldo dhe Jesus të ulen së bashku, të sqarojnë se çfarë ka ndodhur dhe të pajtojnë qëndrimet që u ndanë gjatë mbledhjes së shtatorit. /Sport Ekspres/