Modriç po luan jashtëzakonisht mirë në vitin 2025 dhe tashmë ka shënuar katër gola. Goli i tij i fundit erdhi fundjavën e kaluar kur shënoi një gol fantastik kundër Gironas. Pas asaj ndeshje, Carlo Ancelotti e lavdëroi mesfushorin kroat dhe e mbështeti që të qëndrojë edhe një sezon te Reali.
“Modric është një dhuratë për futbollin. Ai mund të vazhdojë të luajë sa të dojë. Atë që bën, e bën fenomenalisht”, tha ndër të tjera Ancelotti. Sipas portalit Real Madrid Exclusivo, Modriç vendosi t’i përgjigjet komenteve të Ancelottit në lidhje me qëndrimin e tij dhe kishte një kusht për këtë.
“Nuk dua të largohem nga Reali, por do të rinovoj kontratën vetëm nëse ma ofrojnë nga klubi”, raportohet se ka thënë 39-vjeçari kroat, duke treguar edhe njëherë shembullin e tij se nuk dëshiron të bëhet barrë për të tjerët për shkak të emrit dhe historisë. /Elio Hajdari-Sport Ekspres/