Myrto Uzuni mund të debutojë këtë të dielë me fanellën e Austinit. Trajneri i klubit amerikan ka pohuar për mediat se lojtari beratas është gati për të hyrë në fushën e lojës. Niko Estevezi ka pranuar faktin se java e ka lodhur fizikisht Uzunin, por pavarësisht kësaj ai do të jetë i gatshëm për të luajtur.
“Ai është gati. Është stërvitur shumë mirë këtë javë. Dukshëm është në një fazë tjetër krahasuar me të tjerët. Mund ta vëresh që është pak i lodhur nga java, por ai është gati për të luajtur”, ka thënë Niko Estevezi./Sport Ekspres/
