Myrto Uzuni është një prej atyre lojtarëve model të Shqipërisë dhe që është për t’u marrë shembull. Një djalosh i dalë nga balta e Beratit që siguroi jetën me një llotari amerikane, pasi shënoi emrin e tij thellë në historinë e Granadas në Spanjë. Kjo nuk është pak, përkundrazi, lojtari i Shqipërisë u kthye në imazhin kryesor të klubit. E teksa kampionati në MlS ka pasur pushim dhe Uzuni u kthye në Shqipëri, shqiptari është përballur me disa situata aspak të bukura. Për ta nisur që nga dasma e motrës së tij, ku Uzuni hodhi shumë para në të dhe më pas u kryqëzua në rrjetet sociale. Më pas ishte vetë lojtari shqiptar që tha se njerëzit në Shqipëri e kanë gjithmonë një koment të keq, çfarëdo të bësh.
“Nëse nuk do i hidhja lekë motrës, do më thonin se ishte turp dhe se ku i coja lekët. Tani që i hodha, po më thonë se e teprova me lekët, sido të sillesh do të shajnë”, tha atëherë Uzuni. Më pas lojtari shqiptar mori një hotel në Palasë, në Dhërmi. Një tjetër lajm i bujshëm për Uzunin që tregonte për zhvillimin e mëtejshëm se anës se tij ekonomike, sidomos pas shkoi ne MLS. Megjithatë një skandal u publikua në mediat shqiptare të cilat thonë se Uzuni ka bërë një pastrim parash në këtë rast dhe se investimi nuk është bërë me lekët e tij. Për këtë çështje, ka pasur një reagim edhe nga vetë Myrto Uzuni. /Sport Ekspres/
