Cassano ka vite që është në pension, por dikur një sulmues i shkëlqyer i ekipit kombëtar italian dhe shumë gjigantëve evropianë, ai përdor çdo mundësi për të thënë hapur atë që mendon, veçanërisht për Serie A të tij të preferuar.
Këtë herë ai u përball me trajnerin e Milanit, Max Allegri. Edhe pse u rikthye vetëm kohët e fundit në Milan dhe po bën një punë të mirë deri më tani, Cassano pohon se trajneri i njohur është në të vërtetë shumë me fat dhe se loja e tij është e mërzitshme.
“Sa i përket vetë ndeshjes, luajti 95 minuta të shkëlqyera në Udine. E meritonte të mposhte Bolonjën, por Bolonja nuk mund të shikohej, ashtu si Udineze. Ndoshta merita për këtë i takon Milanit, por tani them: janë Napoli dhe Juventusi, dhe Allegri duhet të më tregojë se ajo që pamë nuk ishte rastësi, për mua është rastësi”, tha Cassano duke analizuar dy fitoret e mëparshme të Milanit në kampionat.
“Modric i shtyn të gjithë të luajnë mirë, shumë nga këto suksese varen nga Modric, jo nga Allegri. Nëse Modric nuk ndihet mirë, ftohet, Allegri kthehet në atë që bënte më parë, një top të gjatë për Leao-n dhe le të shpresojmë për diçka”, tha Cassano. /Elio Hajdari-Sport Ekspres/
