Real Madridi ka arritur që të fitojë në shifrat 3-1 ndaj Man City dhe të kalojë në turin tjetër në Champions League. Një ndeshje që pa si protagonist “të fshehur” edhe Rodrygo. Ky i fundit nuk shet në media dhe emri i tij nuk përmendet aq shpesh sa Mbappe apo Bellingham, por puna e tij te madrilenët është e jashtëzakonshme.
Në këtë mendim ishin Thierry Henry dhe Bellingham pas ndeshjes. “Rodrygo, ky djalë, njerëzit nuk flasin shumë për të, por puna që ai bën për ekipin dhe aftësitë e tij janë mbreslënëse”, tha Henry. Nga ana tjetër, Bellingham ka thënë: “Rodrygo është i nënvlerësuar. Për mua, është lojtari më i talentuar i Real Madrid”. /Sport Ekspres/
