Atalanta po zhvillon një sezon të jashtëzakonshëm. Bergamaskët po shkëlqejnë edhe në Champions League, ku mbrëmjen e sotme kanë marrë një fitore spektakolare. Zikaltrit kanë mposhtur me festival golash Sturm Graz-in.
Retegui (12’), Pasalic-i (58’), De Ketelaere (63’), Lookman-i (90’) dhe Brescianini (90’+4’) i dhanë Atalantës fitoren 5-0 kundër austriakëve. Tashmë bergamaskët gjenden në vendin e 3-të në renditje me 14 pikë të grumbulluara gjithsej. Ndeshja e fundit për Atalantën në Champions League do të jetë ajo kundër Barcelonës më 29 janar./Sport Ekspres/