Reali i Madridit ka marrë sot një humbje të papritur, teksa është mposhtur nga Valencia që po garon për mbijetesë. Por Barcelona nuk ka mundur të marrë maksimumin nga ky hap fals i rivalit të tij për titullin kampion. Katalanasit kanë “ngecur” në La Liga, pasi mbrëmjen e sotme janë ndalur në një barazim 1-1 me Real Betisin. Gavi zhbllokoi rezultatin që në minutën e 8, duke krijuar iluzionin e një goelade. Por Natani ktheu sërish baraspeshën në minutën e 17.
Shifrat shënuan 1-1 dhe mbetën të pandryshuara deri në vërshëllimën e trefishtë të arbitrit. Pas javës së 30 të La Ligës, diferenca mes Barcelonës kryesuese dhe Realit të Madridit është vetëm 4 pikë. Në lojë janë edhe 8 ndeshje për t’u zhvilluar./Sport Ekspres/