Nëse jo ekipi më i mirë, Bylisi është një prej ekipeve më të mira të momentit në Superiore në saj të rezultateve të marra. Kjo skuadër është “flakë” në Superiore, “flakë” edhe në Kupë, teksa eliminoi pak ditë më parë Tiranën. Në ndeshjen e sotme, Bylisi ka mundur me shifrat 0-3 Laçin në transfertë. Protagonisti i takimit ishte Berko me dy gola, në minutën e 25 dhe të 61. Ndërkohë historia e ndeshjes u vulos me golin e Peralta në minutën e 77.
Ajo që e bën më të pazakontë situatën është edhe renditja e kampionatit. Nëse deri në kohët e fundit Bylisi endej mes vendit të fundit, tani kjo skuadër jo vetëm që ka dalë nga zona e ftohtë, por është vetëm 9 pikë larg Egnatias së vendit të katërt, që të dërgon në Final Four. Sigurisht, me një ndeshje më shumë të luajtur, por nëse Bylisi vazhdon me këto rezultate të frikshme, e sigurt është se Final Four është më e pakta që mund të arrihet. /Sport Ekspres/