Shumë futbollistë të famshëm dhe sportistë në përgjithësi vendosin të blejnë një klub futbolli. Cristiano Ronaldo nuk e ka problem të blejë asgjë, përfshirë një klub futbolli, sidomos tani që ka mbështetjen e sauditëve të fuqishëm.
Dhe tani, thuhet se ekziston një skenar shumë i mundshëm në të cilin portugezi do të merrte klubin kundër të cilit ai ka luajtur dhjetëra ndeshje. Kjo është Valencia e famshme, e cila këtë sezon, ashtu si edhe të kaluarën, nuk ka shanse të luftojë për vendet e para. Lidhja mes yllit portugez dhe pronarit të Valencias, Peter Lim, ka shërbyer si bazë për këto teori, por as lojtari dhe as rrethi i tij nuk kanë bërë asnjë deklaratë për këtë çështje.
Këto thashetheme të lindura nga mediat dhe portalet ushqehen dhe amplifikohen në rrjetet sociale si Tëitter apo TikTok. Ata shpjegojnë se Cristiano Ronaldo mund të ketë mbështetjen financiare të familjes mbretërore saudite, më konkretisht Princit Mohammed Bin Salman, ose një fond investimi të së njëjtës kombësi.
Asnjëherë nuk është folur në mediat pranë Valencias për një blerje të mundshme të klubit nga ish-lojtari i Real Madridit, megjithëse është sugjeruar se largimi i Lim mund të jetë më afër se kurrë për shkak të lëvizjeve të tij të fundit dhe tifozët në Mestalla nuk do të kishin problem të binin në duart e një ylli të madh të futbollit. /Elio Hajdari-Sport Ekspres/