Një mbrëmje historike për futbollin shqiptar. Dy klube shqiptare do të jenë në grupet e Ligës së Konferencës. Drita ka mposhtur Diferdanzhin me shifrat 0-1 falë golit të shënuar nga Krasniqi në minutën e 61-të. Me rezultat të përgjithshëm 1-3 kampionët e Kosovës kanë prerë biletën për në grupet e Ligës së Konferencës.
Në të njëjtin kompeticion do të marrë pjesë edhe Shkëndija. Kuqezinjtë e Tetovës janë përballur me Ludogoretsin në “play off” të Ligës së Europës. Bullgarët fituan me rezultatin 2-1, po aq sa Shkëndija në ndeshjen e parë. Sfida shkoi në shtesa, kur Ludogoretsi shënoi edhe dy herë të tjera, duke e përfunduar takimin në shifrat 4-2. Kështu, kuqezinjtë u eleminuan nga Liga e Europës, për të vazhduar rrugëtimin në grupet e Ligës së Konferencës./Sport Ekspres/