PSG-ja është fituesja e Ligës së Kampionëve për sezonin 2024-2025. Luis Enrike i ka dhënë Interit një “shuplakë” në finale, teksa e ka mposhtur me shifrat e thella 5-0. Goleada nisi që në minutëj e 12 të lojës, kur Hakimi zhbllokoi rezultatin. Më pas ishte Dueja ai që dyfishoi shifrat në minutën e 20. Një mbrëmje mbresëlënëse për Duenë, që në minutën e 63-të e dërgoi përsëri topin në rrjetë.
Vetëm 10 minuta më pas Kvaratshkelia shtoi emrin e tij në listën e golashënuesëve, ndërsa në minutën e 87 Majuluja fiksoi shifrat përfundimtare në 5-0. PSG-ja ngre kështu për herë të parë në histori trofeun e Ligës së Kampionëve dhe e bën këtë me rekordin e fitores më të thellë në një finale të këtij kompeticioni./Sport Ekspres/