Shqipëria do të luajë sot ndeshjen e saj të 4-t në grupin K të kualifikueseve për Kupën e Botës 2026. Kuqezinjtë i pret një transfertë e vështirë në Letoni. Një kundërshtar i lehtë në letër, por të cilin nuk e kemi mposhtur asnjë herë në të shkuarën.
Silvinjo ka përzgjedhur formacionin me të cilët do të kërkojnë 3 pikët në Riga. Trajneri brazilia ka kryer vetëm 3 ndryshime nga 11-shja kundër Serbisë, prej të cilave 2 ishin të detyruara. Kështu Kumbulla dhe Ismajli kanë zënë vendin e Gjimshitit dhe Ajetit në mbrojtje, ndërsa Balliu ka ulur në stol Hysajn në krahun e djathtë të prapavijës. /Sport Ekspres/
