Orët kanë kaluar dhe tashmë shumë pak kohë na ndan nga nisja e derbit mes Shqipërisë dhe Serbisë. Lojtarët do të shkelmojnë topin e parë në orën 20:45 në “Air Albania”, e cila sot do të jetë e mbushur vetëm me ngjyrat kuqezi. Një duel i peshe të veçantë emocionale, që përkon edhe me përplasjen për një objektiv të përbashkët të të dyja skuadrave, atë të një bilete për në Kampionatin Botëror 2026.
Silvinjo ka bërë zgjedhjet e tij anti-Serbi, teksa në faqen e UEFA-s është publikuar edhe formacioni zyrtar i kuqezinjve. Trajneri brazilian ka befasuar me zgjedhet e tij. Ai ka future në fushë nga minuta e parë Brojën, Manajn dhe Hoxhën në sulm, si dhe Shehun në vendin e Ramadanit./Sport Ekspres/