Ernest Muçi është rikthyer që të luajë një ndeshje shumë të rëndësishme te Beshiktashi, por pa lënë dot gjurmë në fushën e blertë. Sulmuesi shqiptar ka luajtur në takimin ndaj Shakhtar Donetsk, të humbur në shifrat 2-4.
Muçi u aktivizua në pjesën e dytë, teksa nuk ka mundur dot që të shënojë apo asistojë. Megjithatë emri i shqiptarit do të mbahet mend në këtë ndeshje për shkak të një detaji. Në një moment të ndeshjes, gjuajtja e fortë e Mucit përfundoi dhe kapi krahun e një fotografi. Ai ka shkuar menjëherë në spital ku ka fashuar krahun, ndërsa mjekët i kanë parë dy fraktura dhe një çarje pasi u godit me topin që u lëshua nga këmbët e Ernest Muçit. /Sport Ekspres/
