Vllaznia – Hellas Verona është finalja e madhe e turneut “Eagle Cup”, që po organizohet për herë të parë në histori në vendin tonë.
Dy ndeshjet gjysmëfinale ishin shumë të luftuara dhe dhuruan emocione deri në minutën e fundit në “Shtëpinë e Futbollit”.
Hellas Verona – Dinamo Nigeria nuk prodhoi asnjë gol në kohën e rregullt dhe ekipet ju drejtuan penalltive, ku skuadra italiane triumfoi 4-2 dhe siguroi finalen.
Vllaznia fitoi me përmbysje ndaj Partizanit me rezultatin 2-1. Të kuqtë morën të parët avantazhin me Kazzem, ndërsa kuqeblutë përmbysën gjithçka me Kubazin dhe Zhurin, duke siguruar finalen.
Ndeshja finale e turneut “Eagle Cup”, Vllaznia – Hellas Verona, do të luhet mbrëmjen e sotme në “Shtëpinë e Futbollit”, në orën 20:00.
Rezultatet e gjysmëfinaleve:
Dinamo ACC FC Nigeria vs Verona 0-0 P(2-4)
Vllaznia vs Partizani 2-1
Finalja:
Hellas Verona vs Vllaznia, 14.06.2025, “Shtëpia e Futbollit”, ora 20:00