Carlo Ancelotti është trajneri i ri i skuadrës braziliane të futbollit. Ajo që ishte e sigurt prej disa kohësh tashmë është konfirmuar zyrtarisht. Federata e Futbollit të Brazilit njoftoi se Carlo Ancelotti është trajneri i ri i pesë herë kampionit të botës. Presidenti i Federatës së Futbollit të Brazilit, Ednaldo Rodríguez, nuk e fshehu kënaqësinë e tij për marrëveshjen.
“Sjellja e Carlo Ancelottit në drejtimin e Brazilit është më shumë se një lëvizje strategjike. Është një mesazh për botën që ne jemi të vendosur të rifitojmë vendin më të lartë në podiumin fitues. Ai është trajneri më i madh në histori dhe tani ai është në krye të kombëtares më të madhe në planet. Së bashku do të shkruajmë faqe të reja të lavdishme të historisë së futbollit brazilian”, tha Rodriguez. /Elio Hajdari-Sport Ekspres/