Mario Mitaj është padyshim lojtari që ka vazhdueshmërinë më të mirë të një lojtari të Shqipërisë në klubet respektive. Në 10 ndeshje radhazi, mbrojtësi shqiptar ka marrë vlerësime me notën nga 7 dhe më sipër, që tregon saktësisht se Mitaj nuk ka çaluar në asnjë takim të vetëm.
Ndërkohë edhe Laurent Blanc, francezi që drejton Al Ittihad, ka treguar së fundmi në konferencën për shtyp se është befasuar tërësisht nga Mitaj dhe se nuk e priste në këtë lloj niveli kur e transferuan nga Rusia. “Mitaj na ka bërë shumë përshtypje me atë që ofron në stërvitje dhe me atë që ofron në ndeshje, është një surprizë e mrekullueshme për ne”, tha Blanc. /Sport Ekspres/