Një mbrëmje e mirë ishte ajo e djeshmja për ekipet shqiptare në Europë. Dinamo, Vllaznia dhe Egnatia fituan të treja në ndeshjet e tyre në Conference League duke mundur përkatësisht Escaldes, Vikingur dhe Dinamo Minsk.
Por cilat janë shanset e kualifikimit për ekipet shqiptare? Një faqe e huaj dhe e specializuar në këtë drejtim ka dhënë përqindjet për çdo rast. Dinamo dhe Egnatia janë mes ekipeve që kanë përqindjen më të lartë të kualifikimit në të gjithë turin e dytë të Conference League.
Përqindja e kalimit të Dinamos është 88%, ndërsa ajo e Egnatias është 85%. Ndërkohë sa i përket Vllaznisë, edhe pas fitores 2-1 me Vikingur, shanset janë të barabarta për ndeshjen e transfertës. Sipas kësaj faqje, shanset janë 54% për Vllazninë që të kualifikohet, përkatësisht si në një hedhje monedhe. /Sport Ekspres/
