Federata e Futbollit në bashkëpunim me UEFA zhvillon kursin e radhës të licencës UEFA C për zonën e Tiranës, duke filluar nga 15 shtatori.
Kursi do të jetë i ndarë në 3 periudha, duke nisur në datat 15–17 shtator, 01–03 tetor dhe përmbyllja në datat 03–06 nëntor. Gjatë zhvillimit të sesioneve teorike dhe praktike, kursantët do të trajnohen nga specialistët e Departamentit të Edukimit në FSHF.
Pjesë e kursit UEFA C mund të bëhen ish-futbollistë, mësues të edukimit fizik, por edhe persona që janë të apasionuar pas futbollit dhe duan të zhvillojnë karrierën e tyre në këtë fushë.
Për t’u regjitruar në kursin UEFA C duhet të përmbushni kriteret e mëposhtme:
a) Të jeni të paktën 20 vjeç në momentin e aplikimit
b) Të keni përfunduar shkollën e mesme
c) Të paraqisni një përshkrim të aktivitetit që ushtroni aktualisht
d) Numër kontakti
e) Fotokopje e ID-së ose pasaportës
Afati i fundit për aplikim është data 25 gusht 2025 dhe aplikimet e dorëzuara pas afatit nuk do të pranohen.
Dorëzimi i aplikimit mund të bëhet në këto mënyra:
1.Nëpërmjet emailit: [email protected]
2.Me postë të zakonshme (me konfirmim marrjeje) ose dorazi në adresën:
Rr. Liman Kaba, Nd. 5, Hyrja 1, Njësia Administrative 5, Kodi Postar 1019, Tiranë
Për çdo pyetje lidhur me renditjen, logjistikën apo organizimin e kursit, mund të kontaktoni Sekretarinë e Shkollës në adresën: [email protected]