Barcelona është një hap larg titullit kampion. Në rast se Reali i Madridit fiton mbrëmjen e sotme, atëherë katalanasit do të kenë mundësinë të fitojnë kampionatin në derbin me Espanjolin.
Dy skuadrat do të përballen nesër, teksa trajnerët kanë dhënë konferencat e tyre për shtyp në prag të këtij derbi. Hansi Flik është krenuar me ekipin e tij, duke theksuar faktin se Reali i Madridit nuk preku asnjë top në gjysmën e fushës së Barcelonës për 24 minuta.
“Kur shikon që Reali i Madridit nuk e preku topin asnjëherë në gjymsëfushën tonë për 24 minuta, kjo flet për presingun tonë. Ishte e pabesueshme për t’u parë. Le të jemi krenarë. E gjithë energjia ime është për Barçën. E dashuroj të punuarit për ta. Është një punë fantastike. Tifozët tanë janë të mrekullueshëm”, ka thënë Hansi Fliku./Sport Ekspres/
