Armando Broja i ka dhënë fund thatësirës! Sulmuesi shqiptar është rikthyer te goli pas një kohe shumë të gjate mungese duke tundur rrjetën në ndeshjen Burnemouth-Burnley. Ishte goli i shqiptarit që i dha pikën e parë Burnley pas 7 humbjeve radhazi në barazimin 1-1. Në faqjen zyrtare të klubit, Broja tregon sesi arriti të realizonte golin e shumëkërkuar dhe të thyente mallkimin.
“E pashë Marcus që të merrte topin dhe e pashë që e dërgoi topin në këmbën e majtë. E di që ai ka një “sy shumë të mprehtë” për të dhënë asist dhe ishte një dhuratë perfekte. Nuk kisha shumë punë për të bërë aty, duhej vetëm që të hapja pak hapësirë për veten time. Ishte një asistim perfekt dhe isha shumë i lumtur kur e pashë topin që të hynte në rrjetë. Kjo do të thotë shumë për mua, tani duhet të vazhdoj dhe uroj që të shënoj akoma më shumë gola të tjerë”, tha Broja. /Elio Hajdari-Sport Ekspres/