Milani është në një krizë të madhe, ku përtej ndeshjes me Interin në Kupë, është eliminuar nga Champions League dhe njëkohësisht është shumë larg objektivit në kampionat. E vetmja gjë pozitive e kuqezinjëve është fakti se ka një bilanc pozitiv kundër Interit me Conceicaon në krye, e gjithë pjesa tjetër pastaj është për t’u harruar. Ndërkohë drejtuesit e kuqezinjëve po vazhdojnë të kërkojnë një emër për ta marrë në rolin e drejtorit sportiv. Igli Tare ishte favoriti kryesor, por CEO i Milanit nuk e pëlqente figurën e drejtorit sportiv shqiptar duke kërkuar Paraticin.
Megjithatë Paratici ka probleme në çështje ligjore dhe nuk do të jetë pjesë e Milanit. Sipas mediave italiane, janë dy figurat që pritet të jenë në balotazh për të fituar vendin e drejtorit sportiv të Milanit, është Tony D’Amico i Atalantës dhe Igli Tare. Tony D’Amico është në përparësi ndaj Tares, por mbetet të shihet nëse Atalanta do ta lejojë largimin e tij. Nëse edhe kjo figurë bie, atëherë Igli Tare do të jetë në krye të Milanit. Ndërkohë sipas asaj që ne kemi transmetuar ekskluzivisht, Tony D’Amico është një prej atyre figurave që është i fiksuar pas Armando Brojës dhe e ka kërkuar prej shumë kohësh shqiptarin dhe nëse do të shkojë te Milani, nuk do të jetë habi e madhe që në merkaton e verës të kryhet ky transferim. /Sport Ekspres/