Juventusi po shkëlqen në Botërorin e Klubeve që po zhvillohet në SHBA. “Zonja e Vjetër” ka marrë një tjetër fitore me goleadë. Këtë herë bardhezinjtë kanë mposhtur me shifrat e thella 4-1 Uidad Kazablankën. Ndeshja është zhbllokuar që minutën e 6 nga një autogol i Butuilit, ndërsa 10 minuta më vonë ishe Kenan Jëlldizi ai dyfishoi rezultatin.
Lorçi ngushtoi shifrat në minutën e 25, por goli i tij do të shërbente vetëm për statistikë. Jëlldizi konfirmon veten si ylli i ri i këtij Juventusi, teksa në minutën e 69 e dërgoi sërish topin në rrjetë. Në fund, kur kronometri po numëronte minutën e 4-t të kohës shtesë, Vlahoviçi fiksoi shifrat përfundimtare në 4-1 nga pika e bardhë e penalltisë./Sport Ekspres/