Juventusi vazhdon të mbetet i pamposhtur këtë sezon në Serinë A, por njëkohësisht nuk njeh rezultat tjetër veç barazimit. Bardhezinjtë nuk ia kanë dalë dot të marrin tre pikët edhe në derbin e Torinos. Përballja kundër rivalëve të qytetit ka përfunduar në baraspeshë 1-1.
Jëlldizi tundi rrjetën që në minutën e 8, por në minutën e parë të shtesës së pjesës së parë Vlashiçi riktheu sërish baraspeshën. Rezultati mbeti i pandryshuar deri në fund të ndeshjes, duke bërë që Juventusi të marrë barazimin e 12 në këtë sezon të Serisë A. “Zonja e vjetër” gjendet në vendin e 5 në renditje, me vetëm 3 pikë diferencë nga Lacio që gjendet sipër saj./Sport Ekspres/
