Shqipëria do të marrë pjesë në fushatën kualifikuese të Kampionatit Europian “e-Euro 2024” për lojërat elektronike, që do të zhvillohet online në muajt prill-korrik të vitit të ardhshëm. Në bashkëpunim me kompaninë “EA Sport”, UEFA ndihmon federatat anëtare në organizimin e një turneu për lojërat elektronike, që nga përzgjedhja e përfaqësuesit, e deri te finalja e madhe e këtij kompeticioni.
Fillimisht, Shqipëria duhet të përzgjedhë një përfaqësues të saj. FSHF njofton të gjithë të apasionuarit pas kësaj loje elektronike se periudha e regjistrimit për turneun e përzgjedhjes së përfaqësuesit është nga 8 dhjetori 2023 e deri më 13 janar 2024. Për t’u regjistruar, lojtarët duhet të klikojnë mbi këtë link https://battlefy.com/euro dhe të ndjekin hapat e mëposhtëm:
- Klikoni linkun: https://battlefy.com/euro
- Kliko në “Bashkohu tani dhe përfaqëso vendin tënd”
- Krijoni një llogari tuajën
- Plotësoni formularin e regjistrimit
- Në linkun e mësipërm ju mund të gjeni të gjitha informacionet e nevojshme
Periudha e nënshkrimit për turneun e përzgjedhjes së lojtarëve është nga 8 dhjetori 2023 – 13 janar 2024.
