Kursi UEFA B për zonën e Korçës, i organizuar nga Federata e Futbollit, ka hyrë në bllokun e tij të dytë, ku kursantët vazhdojnë të trajnohen nga specialistët e Departamentit të Edukimit në FSHF.
Ky kurs i rëndësishëm ka si qëllim rritjen profesionale të trajnerëve dhe bazohet në aspektin teoriko-praktik.
Kursi UEFA B për zonën e Korçës është i ndarë në katër blloqe dhe do të zgjasë tre muaj.
Kjo iniciativë e FSHF-së, në bashkëpunim me UEFA-n, përbën një hap të rëndësishëm në zhvillimin e futbollit në rajonin juglindor, duke u ofruar profesionistëve mundësinë për të rritur nivelin e tyre profesional dhe për të kontribuar në përmirësimin e futbollit lokal.