Milani ka marrë sot fitoren e parë në Serinë A. Kuqezinjtë kanë reaguar pas humbjes së papritur kundër Kremonezes. Ekipi i Alegrit ka mposhtur në transfertë Leçen me rezultatin 0-2.
Ndeshja u zhbllokua në minutën e 66, kur Ruben Loftus Çiku e dërgoi topin në rrjetë. Ndërkohë 4 minuta përpara përfundimit të kohës së rregullt Pulisiçi vulosi shifrat përfundimtare në 0-2. Ndërkohë Ylber Ramadani ishte titullar në këtë sfidë, ndërsa Medon Berisha hyri në fushë nga stoli në minutën e 63-të./Sport Ekspres/