Medon Berisha është një kartë e madhe që ka në dorë trajneri i Lecce në Serinë A. Ky futbollist bëri debutimin e tij edhe në Europianin e Gjermanisë, atje ku të gjithë u habitën me vendimin e Silvinjos, për ta përfshirë mes 26 lojtarëve. Por Berisha jo vetëm që ishte në listë, por mori edhe disa minuta në fushën e blertë.
Media italiane, “PianetaLecce”, ka bërë së fundmi një shkrim për Berishën, duke e quajtur si “AS-i” që mund të luajë kudo në mesfushë. “Mund të luajë si “playmaker’ përpara mbrojtjes, mund të luajë si mesfushor në një 4-3-3 hipotetik, i aftë për të rrëshqitur mes linjave të ekipit kundërshtar dhe për të dërguar topin në rrjetë, por mund të luajë edhe si mesfushor sulmues në një 4-2-3-1 të imagjinuar nga Luca Goti, si në ndeshjen e fundit ndaj Napolit, sepse Berisha ka
