Dejvi Bregu është në statusin e lojtarit të lirë. Vlonjati ndërpreu kontratën e tij me Umraniesporin dhe këtë muaj do të zgjedhë klubin e ri ku do të vazhdojë karrierën. “Ozgunkocaeli” raporton se Kocaelispori ka nisur bisedimet për transferimin e 28-vjeçarin.
Bregu numëron 74 ndeshje në Ligën e Parë turke, ku ka shënuar 11 gola dhe ka dhënë 11 asiste. Statistikat kanë bindur drejtuesit e Kocaelisporit për të bërë pjesë të grupit të tyre edhe ish-“këpucën e artë” të Superiores. Kujtojmë se klubi në fjalë aktualisht gjendet në vendin e dytë në Ligën e Parë turke dhe synon ngjitjen në elitë./Halit Delibashi-Sport Ekspres/
