Në ditët e fundit, në Angli ka pasur shumë spekulime se Manchester City mund të gjobitet për shkeljen e “fair play”-it financiar dhe madje kërcënohet me përjashtim nga Premier League. Në qendër të vëmendjes ishte Pep Guardiola, i cili tashmë ka vendosur nëse do të largohet nga Etihad nëse qytetarët bien nga kategoria.
Pep Guardiola, i cili ka kontratë deri në verën e vitit 2025, është në qendër të vëmendjes për të gjitha këto dhe shumë po pyesin se çfarë do të ndodhë me të nëse City ndëshkohet në mënyrë kaq drastike.
Megjithatë, mediat angleze shkruajnë se Guardiola tashmë ka marrë një vendim, sido që të shkojnë hetimet dhe çfarëdo dënimi të marrë Manchester City, ai ka premtuar se do të qëndrojë në Etihad deri në fund të kontratës. /Elio Hajdari-Sport Ekspres/
