Në ditën e sotme është mbajtur funerali i Diogo Jotas ku personazhe nga gjithë bota e futbollit ishin të pranishëm në qytetin e tij në Portugali. Gruaja e Diogos, Ruth Cardoso, po kalon momentet më të vështira të jetës.
Vetëm dy javë më parë ishte e veshur me një vello të bardhë dhe tani gjendet në një moment të tillë, ku përcjell burrin e saj dhe i jep lamtumirën e fundit. Por detaji që tërhoqi vëmendjen ishte fakti se Ruth nuk ishte veshur me të zeza, nuk kishte asnjë të zezë në trup, vetëm e bardhë.
Bluzë, pantallona të bardha dhe atlete të bardha. SImbolika është e thjeshtë, në të njëjtin vend ku kishte veshur vellon e bardhë tani vishet po prapë me të bardha, pasi ky është simboli i dashurisë së përjetësisë, që nuk shuhet as nga një aksident tragjik. /Sport Ekspres/