Trajneri i Kombëtares shqiptare, Silvinjo, ka shpallur listën e lojtarëve të grumbulluar për dy ndeshjet e muajit shtator, miqësoren ndaj Gjibraltarit dhe sfidën kualifikuese të Kupës së Botës kundër Letonisë. Ndërkohë trajneri foli në konferencën për shtyp para këtyre takimeve:
“Mungesa jonë është Ismajli për shkak të një problemi fizik që kishte te Torino. Ne jemi munduar që ti marrim lojtarët kur të jenë në 100% e tyre, vecanërisht në rastin e Ismajlit që ka bërë edhe një transferim të ri te Torino, të përgatitet qetësisht për të qenë gati dhe për të bërë më të mirën pastaj.
Mungesa në emrat e rinj? Jemi në një moment që nuk mund të bëjmë më shumë eksperiemente, Letonia nuk është e rëndësishme, por shumë e rëndësishme si ndeshje. Kam menduar gjatë dhe kam vendosur për të mos bërë eksperimente. Nuk është kjo koha kur një 20-vjeçar të futet në fushë, do të vijë edhe koha e tyre, por nuk është tani. Ne kemi Pajazitin dhe Berishën që grumbullohen shpesh me ne dhe nuk kanë një 90 minutësh në këmbë, për të mos folur më pas për emra të tjerë të rinj”, tha Silvinjo. /Sport Ekspres/
