Federata e Futbollit ka realizuar me sukses një tjetër investim me karakter social, duke ndërtuar një fushë të re sportive në ambientet e fondacionit “Fundjava Ndryshe”. Ky projekt synon të përmirësojë cilësinë e jetës në komunitet dhe të krijojë hapësira të reja për aktivitete sportive dhe sociale.
Fusha e re do të shërbejë si një pikë takimi për të rinjtë dhe të apasionuarit pas sportit, duke ofruar një mundësi të shkëlqyer për të zhvilluar aktivitete fizike dhe për të nxitur bashkëpunimin brenda komunitetit.
FSHF është e fokusuar në përgjegjësinë sociale dhe ky investim thekson përkushtimin e saj për të ndihmuar zhvillimin e sportit në të gjitha nivelet dhe për të mbështetur projekte që ndikojnë pozitivisht në jetën e përditshme të qytetarëve.
