Milani nuk po gjen qetësi në stol. Pas shkarkimit të Fonseca-s dhe ardhjes së Conceicao-s, kuqezinjtë shkuan në qiellin e shtatë pasi e nisën me fitore kundër Juventusit dhe Interit, duke arritur të fitojnë edhe Superkupën. Megjithatë kjo eksperiencë e re e Conceicao-s nuk po shkon ashtu siç pritet. Gjithçka shpërtheu pas ndeshjes së fundit në kampionat të Milanit, teksa trajneri u përlesh me Calabria-n në fushën e blertë. Përtej diskutimit se kush kishte të drejtë, një klub si Milani nuk mund të tolerojë skena të tilla para publikut.
Por mediat italiane kanë zbuluar të tjera përplasje të lojtarëve me trajnerin. Conceicao ka disa metoda dhe sjellje të çuditshme në stërvitje. Mënyra sesi ai të qorton gjatë një seance stërvitore dhe gjestet që bën, nuk kanë kaluar pa u vënë re nga Theo Hernandez dhe Pulisic, të cilët e kanë ngritur zërin kundër tij. Ndërkohë thuhet se edhe Zlatan Ibrahimovic është tërësisht i pakënaqur dhe i zhgënjyer nga mënyra sesi po sillet trajneri i ri i Milanit. /Sport Ekspres/
