Messi ka një vit që luan në Amerikë, ku vesh fanellën e Inter Miami dhe e shijon më shumë kohën e lirë me familjen e tij sepse nuk është më “në sy të publikut” siç ishte rasti kur luante për Barcelona dhe PSG në Evropë. Argjentinasi iu bashkua përgatitjeve të kombëtares së tij në Miami para fillimit të edicionit të ri të Copa America, ku Gauchos do të mbrojnë medaljen e artë.
Messi kishte edhe “detyrime” ndaj gazetarëve, teksa dha një intervistë që bëri jehonë në Spanjë sot sepse tha diçka që nuk u pëlqeu aspak tifozëve të Barcelonës. Një gazetar argjentinas e pyeti Messin nëse e ka ndjekur sezonin e fundit në të cilin Real Madridi dominoi sërish dhe ai tha se Royals janë pa dyshim klubi më i mirë në botë tani për sa i përket rezultateve.
“Real Madridi është klubi më i mirë në botë dhe fituesi aktual i Ligës së Kampionëve. Nëse shikojmë vetëm rezultatet, Real Madridi është pa dyshim më i miri. Megjithatë, nëse shikojmë nivelin dhe cilësinë e lojës, atëherë për mua Manchester City është më i miri”, tha Messi. /Elio Hajdari-Sport Ekspres/
