Javier Tebas nuk e fsheh se nuk është një tifoz i madh i Barcelonës dhe se është tifoz i Real Madridit, por pak njerëz mund ta prisnin që ai do t’u jepte katalanasve një goditje kaq të ulët. Barcelona negocioi me Nico Williams në javët e mëparshme dhe ishte gati të paguante klauzolën e tij të lirimit prej 58 milionë eurosh, dhe lojtari i ri spanjoll pranoi të shkonte në klubin katalanas.
Dhe kur pritej që transferimi i tij të bëhej zyrtar, ndodhi një kthesë e papritur sepse Williams vendosi të qëndronte në Bilbao, me të cilin nënshkroi një kontratë të re. Kjo është hera e dytë brenda vetëm një viti që Williams e ka poshtëruar Barcelonën në një mënyrë të tillë, megjithëse këtë herë katalanasit ishin të sigurt se ai po vinte dhe se nënshkrimi i tij ishte një marrëveshje e kryer.
Ky rezultat i tronditi rëndë drejtuesit e Barcelonës dhe thuhet se ata besojnë se presidenti i La Ligës, i cili pati një takim me drejtuesit e Athletic dy ditë para vendimit të Williams, është fajtor për gjithçka. Mediat spanjolle njoftuan se një skandal i madh doli sepse Tebas u akuzua se bëri një gjë të papranueshme në një takim me drejtuesit e klubit nga Vendi Bask dhe u zbuloi atyre informacione konfidenciale.
Tebas akuzohet se u tha drejtuesve të Athletic në takimin e lartpërmendur se u dha informacione rreth financave të Barcës dhe faktin se regjistrimi i Williams nuk do të ishte i lehtë, dhe se gjithçka ndryshoi atë natë. /Elio Hajdari-Sport Ekspres/