Skuadrat e “Abissnet Superiores” kanë nisur sërish aksionin mbrëmjen e sotme. Java e 14 ka nisur me dy sfidat Skënderbeu-Dinamo dhe Vllaznia-Teuta. Ekipi i Ilir Dajës është ndalur në barazim 2-2 në Korçë. Itodo ka zhbllokuar rezultatin në minutën e 14 të takimit, por vetën dy minuta më vonë ndodhi kundërpërgjigja nga Çuçka. Rashica përmbysi ndeshjen në minutën e 33-të dhe e dërgoi Skënderbeun në epërsi në pushimin mes pjesëve. Goli i baraspeshës që vulosi edhe rezultatin përfundimtar u realizua nga Vila në minutën e 54-t.
Ndërkohë në krahun tjetër Vllaznia ka mposhtur Teutën me shifrat 2-1. Shkodranët siguruan fitoren në minutën e 90 të sfidës falë golit të Ildi Grudës. Më herët kishin shënuar edhe Bajrami (45’+2′) për Vllazninë dhe Nasëri (67′) për Teutën. Me këtë fitore kuqeblutë janë shkëputur në +5 pikë nga Partizani i vendit të dytë./Sport Ekspres/