Të marrësh përsipër një penallti nuk është aq e lehtë sa dikur. Vitet e fundit rregullat janë shtrënguar ndjeshëm sidomos për portierët, ndërkohë që lojtarët kërkojnë metoda të ndryshme për të gjetur rrugën drejt rrjetës. Një lojtar i perfeksionoi goditjet e penalltisë.
Ish-lojtari, Ben Foster tregoi detajet se si është të qëndrosh në portë kur një penallti do të ekzekutohet nga Ivana Toney, që njihet si lojtari që ka penalltinë më të saktë.
Në fakt, Toney ka një përqindje marramendëse prej 93 për qind të golave të shënuara me penallti në kohën e rregullt, duke konvertuar 28 nga 30 përpjekjet e tij për të shënuar nga 11- metrat në karrierë. Dy portierët e vetëm që i shpëtuan gjuajtjet e lira ishin Adam Davis dhe Nick Pope.
Por si arrin Toney të jetë kaq i saktë nga 11-metrat?
Foster, i cili ishte i pasuksesshëm në përpjekjen e tij për të ndaluar Toney nga pika e bardhë në vitin 2020 si portier i Watford, zbuloi problemet me të cilat përballen portierët kur sulmuesi 28-vjeçar gjuan.
“Ai ju bën të dukeni si një budalla absolut,” tha Foster në podcastin e Football Fill-In, duke shtuar: “Ndërsa jeni duke qëndruar atje duke e parë atë dhe ai po ju shikon dhe po shkon drejt topit.
Dhe ti mendon me vete dhe thua: “A e di se çfarë po bën ky?”, dhe pastaj ai pret kaq gjatë deri në pikën ku duhet të marrë vendimin. Thjesht duhet, pret.
Është ende duke pritur për ty si portier dhe thjesht do të rrokullis topin në këndin e largët. Duhet të keni besim se kjo mund të bëhet.
Toney mori një penallti për Anglinë kundër Belgjikës dhe ju e dini se ai do të shënojë. Unë kisha aq shumë besim tek ai, saktësisht të njëjtën teknikë dhe e hodhi atë në kënd.
Nuk e shikon topin fare. Është aq i vetëdijshëm për trupin e tij dhe ku është topi, saqë mund të shikojë vetëm portierin dhe të shikojë vetëm portierin.
Pret që portieri të bëjë atë hap të vogël anësor dhe pastaj e dërgon topin nga ana tjetër. Është pothuajse e pamundur të mbrohesh aty”, tha Foster. /Elio Hajdari-Sport Ekspres/
