Lionel Messi ishte pronari i kontratës më të madhe në historinë e sportit për gjashtë vite. Këtë fundjavë u thye rekordi i argjentinasit të famshëm.
Në vitin 2017, Lionel Messi nënshkroi një kontratë katërvjeçare me Barcelonën, me të ardhura totale prej rreth 555 milionë euro.
Ishte kontrata e fundit e Leo Messit në Katalonjë dhe deri më sot ajo ishte kontrata më e madhe në historinë e sportit.
Këtë fundjavë, një lojtar bejsbolli arriti të lidhte një kontratë edhe më mbresëlënëse se kaq.
Shohei Ohtani ka njoftuar brenda natës në Instagram se ka nënshkruar kontratë me Los Angeles Dodgers.
Japonez ishte një lojtar i lirë dhe si i tillë mbërriti në LA Dodgers dhe nënshkroi një kontratë me shifra të pabesueshme në të.
Sipas shtypit britanik, Ohtani ka nënshkruar një kontratë 10-vjeçare, me të ardhura totale prej 650 milionë eurosh, duke kaluar rekordin e Messit. /Elio Hajdari-Sport Ekspres/
