Pak më parë është hedhur edhe shorti i Final Four sa i përket Superiores. Tani janë mësuar edhe ciftet gjysmëfinaliste teksa Egnatia do të përballet kundër Partizanit, ndërsa Vllaznia ka gjetur Dinamon. Përballje me shumë emocion, ndërsa në finale do të vijë edhe një gjyqtar i kalibrit botëror, Mariciniak. Por një ironi fati është ajo që ka ndodhur me Skënder Gegën dhe Egnatian, aq sa mund të quhet një rastësi e tepruar.
Pasi erdhi te Partizani në javët e fundit, Skënder Gega në ndeshjen gjysmëfinale ndaj Egnatias do të numërojë 8 ndeshje në këtë sezon me të kuqtë. Por në 4 prej tyre, i ka luajtur kundër Egnatias. Deri tani bilanci është në favor të Gegës që ka fituar 2 herë dhe ka humbur 1 herë me Egnatian në kohën e rregullt, megjithëse ajo humbje e fundit i kushtoi eliminimin nga Kupa. Ndeshja e ardhshme ndaj Egnatias do të jetë e 8 e tij në pankinën e Partizanit këtë sezon dhe e 4 kundër Egnatias. Trajneri kampion i Partizanit që tërheq gjithmonë…kampionët në fuqi! /Sport Ekspres/