Interi ka marrë fitoren e radhës në Serinë A. Zikaltrit kanë mposhtur Empolin me rezultatin 3-1. Protagonist në të takim ishte edhe Kristjan Asllani. Mefushori ka marrë minuta të plota në këtë sfidë, ku ka dhënë kontributin e tij në marrjen e tre pikëve.
Në minutën e 79, Asllani dha asistin nga goditja e këndit për Dumfrisin. Ky i fundit më pas e dërgoi topin me kokë në rrjetën e Empolit për të dytën herë gjatë takimit. Një fitore mjaft e vyer për Interin, që tashmë shkurton diferencën në vetëm 3 pikë me Napolin. Vlen të theksohet fakti se zikaltrit kanë një ndeshje më tepër në dispozicion për të zhvilluar./Sport Ekspres/
