Dy lojtarë shqiptarë kanë fituar titullin kampion në Ceki. Qazim Laci dhe Indrit Tuci janë kurorëzuar si kampionë për këtë sezon futbollistik. Në ditën e sotme Sparta e Pragës ka fituar me shifrat 0-5 ndaj Mladës, teksa 4 gola janë realizuar vetëm nga Kuchta. Falë kësaj fitore Sparta e Pragës e ka mbyllur kampionatin dhe ka siguruar vendin e parë.
Indrit Tuci do të transferohej në merkaton e dimrit në këtë skuadër, por ka pasur konkurrencë të madhe në sulm dhe nuk ka gjetur hapësirën e dëshiruar. Ndërkohë edhe Qazim Laci ka nisur jo pak takime nga stoli, por mesfushori shqiptar i ka dhënë një dorë të madhe Spartës në shumë përballje që ka qenë titullar. /Sport Ekspres/
Brian Priske ? #acsparta pic.twitter.com/GZ9nG9s3Cr
— AC Sparta Praha (@ACSparta_CZ) May 18, 2024
