Ernest Muçi është në super formë dhe Shqipëria mund t’i gëzohet faktit se ka një prej talenteve më të mirë në gjirin e saj. Menjëherë sapo Solskjaer erdhi te Beshiktashi, ish-trajneri i Man Utd i kërkoi Ernest Muçit që të mos largohej nga ekipi. Nuk ishte vetëm lajm mediatik, teksa në debutimin e Solskjaer te Beshiktashi, Ernest Muçi luajti për 87 minuta, për herë të parë ndoshta që pas transferimit të tij te Beshiktashi.
Për më tepër në ndeshjen e sezonit të Beshiktashit pasi sot luajtën kundër Athletico Bilbaos në Europa League, atje ku në rast humbje, do të ishin eliminuar. Goli i parë i ndeshjes erdhi në minutën e 17 nga Milot Rashica. Goli u nis nga këmbët e Muçit që tërhoqi zvarrë disa lojtarë të Bilbaos. Më pas Muci pasoi saktësisht për te Rafa Silva, i cili gjeti bukur Rashicën. Më pas lojtari shqiptar tronditi rrjetën nga distanca.
Ndërkohë kur pritej mbyllja e pjesës së parë, Bilbao barazoi pas një gol që ngjalli shumë polemika. Në minutën e 60 do të vinte goli tjetër i Beshiktashit, po nga i njëjti kombinim, Muci nisi gjithçka dhe më pas gjeti Rafa Silvën, ky i fundit pasoi për te Rashica dhe kështu do të vinte edhe goli i dytë.
Goli i tretë erdhi pas një pasimi të mrekullueshëm të Rashicës për te Rafa Silva, që mposhti sërish portieri në minutën e 78. Por përtej golave të realizuara, ndeshja e sotme e Mucit ishte për notën 10 me yll. Shumë tifozë të Beshiktashit po e krahasojnë Mucin me Neymar pas këtij takimi. Ishte një dëshmi e qartë e vlerave që zotëron ky futbollist i dalë nga Tirana.
Të luash kundër një ekipi të La Liga si Atletiko Bilbao, e cila kishte mbrojtjen më të mirë në të gjithë Europa League me vetëm dy gola të pësuar në gjashtë ndeshje dhe të performosh në nivel të tillë, tregon saktësisht potencialin e madh të Mucit. Kështu Beshiktashi fitoi në shifrat e thella 4-1 ndaj Bilbaos, ndërsa Solskjaer premton shumë se do ta kthejë shqiptarin tërësisht në një nivel tjetër. /Sport Ekspres/